موقع أسطورة



 
الرئيسيةس .و .جبحـثالتسجيلدخول

شاطر | 
 

 خل يكون الحب عذري

اذهب الى الأسفل 
كاتب الموضوعرسالة
البرنس
أسطورة مميز
أسطورة مميز
avatar

عدد المساهمات : 158
النقاط : 4772
تاريخ التسجيل : 14/04/2009
العمر : 29
الموقع : www.designs1.yoo7.com

مُساهمةموضوع: خل يكون الحب عذري   الجمعة أبريل 17, 2009 7:07 pm

Like a Star @ heaven تدري وش سوَّى غيابك ؟!
مـوَّت غيابك سوالف Like a Star @ heaven ..!

ما يخوِّفني زماني Like a Star @ heaven
بس من فرقاك خايف ..!
Like a Star @ heaven
فجأه أصحـى ومـا أشوفك ..
لا تهددني ... ظروفك

إعتبرني .. حلم / واقع
وإلاَّ ظلٍ ما يطوفـك

ضاميٍ عطشان .. جيتك
لا يعشمني سرابك ..!

تسمح بكلمه ؟! بغيتك
قبل لا تبدي غيابك ..!




تدْري وشْ معْنى غيابكْ ؟
يعْني :
أسْوَءْ شيْ شفْتَهْـ طولْ عمري !!

تبْدي ضحْكاتي هلابكْ
وفي وداعكْ
ما ينامْ الجَرحْ بدْري

وإنتْ كيفكْ
شوفْ وشْ ناوي عليـه

هاكْ قلبي وهاكْ سيفكْ
وسوْ فيني اللــي تبيه!

لا تحاتيْ
صفّحْ بكيفكْ جروحي

وإشْطبْ آمالي وطموحي
وإعْتبرْ قلبي كتابكْ !!




تدري وشْ حطّم غيابكْ
مرْكَبْ بداخلْ شعوري

منْ نسى قلبكْ .. حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني

وصارتْ الدنيـا / قسى !!
وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر

منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا

يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني

والسؤال اللي ذبحني :
- صج اهو فعلاً نسى ؟
راح وأهداني الأسى!
وما وصلتْ إلا لـ حقيقهـ :
الجفـا أسْهَلْ طريقـهـ
للقسى..!



تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !

إيه كل الناس عندي
بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي

عشت وافي لدنيتك
وبموت وافي ..

ما اخونك لو تجافي
ما هو آنا اللي إن ضاقت
علي الدنيا / خنت




تدري وش ينهي غيابك ؟!
ينهي أحلامي و [ طموحي ]
ويبتدي مشوار حزني ..
وتنتشر فيني جروحي !

ما بقى للشوق حاجز
من كثر ما عاش فيني
كيف أقول : إشتقت لك ؟!
وصورتك دايم بـ عيني !

كيف أضحك ..
كيف أنسى ؟!
وإنت غايب عن مكانك
لو يخون الكل ويقسى
قلبي لك عمره ما " خانك " ..

ما قدر يترس عيوني ..
من بعد عينك عيون !
ليه مستغرب جنوني ؟
يا موصلني الجنون ..

شفت كل الدنيا هذي ؟!
ما تساوي أي شي !
قمت أسأل نفسي [ وييينك ] ..
من معاي ؟
ومن علي !

وبالنهايه لا تحاتي ..
تبقى في دفتر حياتي :
أغلى كلمه ..
وأحلى كلمه !
إنطقت فيها " شفاتي " ..!




تدري وش " يقتل " غيابك ؟!
يقتل إحساسي وعمري !
وين رايح عن عيوني ؟
ليه ؟
تو الناس !
بدري !

إدفن أسراري معاي ..
ما أبي أي شخص يدري
لا تسولف من وراي !
خل يكون الحب " عذري " ..!

وإن سأل عني قليبك ؟!
لا تفكِّر في الجواب !
قول [ إحتاجك ] حبيبك ..
وإنت لاهي بـ الغياب !

من يحبك ..
وش مصيره ؟!
- " يحترق " قلبه أكيد!
تنهي أحلامه الكبيرهـ ..
وتبدي في حبٍ جديد !

ولا يهمك قلب حبّك !
وضحَّى في عمره / عشانك ..
المهم يرتاح قلبك ..
وتلقى في الدنيا / مكانك !

صرت أبعد من منامي !
وكنت أقرب من ثيابك !!
أختصر باقي كلامي ؟!

حيل يقتلني غيابك




تدري وش بكَّى غيابك ؟
موق عين اللي تحب !
مهتني حضرة جنابك
والمشاعر " تنتحب " ..!
المطر من غبت ينزل
إمتلت عيني وخدِّي !
ما رضى قلبي يعزِّل
رغم إنِّك صرت / ضدِّي !

إستحَت منِّك [ طعوني ] ..
وما قويت أصير ضدِّك !
ليت ما شافت عيوني
من يذمني [ ضيف ] عندك !

إنسَحَب فرحي / وطموحي
ويني عنِّي ؟
- ما دريت !
صرت أضحك من جروحي
وداخلي ياما ( بكيت ) .. !
صارت الراحه / ألَم
واللي باقي ..
ما سَلَم !!
" التَعَب " واقع أعيشه
قلبي بـ الفرحه حَلَم ..!

دمعتي تمشي تسولف
وإنعَمَت عين الشفايف
وكل دمعه تطيح منِّي
إنكتَب فيها " حسايف "

مو غريب أبكي عشانك
الغريب إنِّك .. تخوِّن !!
ويبقى مثل أوِّل مكانك
وأعتبر هـ الجرح ( هيِّن ) ..!

فدوه لك جرحي ..
وضيقي
المهم قلبك يحب ..
تدري وش موتي الـ حقيقي ؟!
[ من حياتي تنسحب ] ..





تدري وش صحَّى " غيابك " ؟
جرح نايم من سنين !
ما ربحت
وما فرحت
جرحي فيني يستهين !

غيبتك كانت خساره
إفهم التعبير زين
من ترك قلبك دياره
وجه جدرانك ( حزين ) !
دمعتي تملي عيوني
عين تسأل فيني عين
تبكي فيني أو بدوني
وضعت بين الدمعتين !

وين أيَّامك يا " غايب " ؟
قلبي يسأل قول وين !!
يا بعد كل الحبايب ..
شوف وش سوى الحنين !
نمت وفي حلمي لقيتك
وقمت أردد كلمتين :
لا تغيب أكثر فديتك
نامت أفراح السنين !




تدري وش وقَّف غيابك ؟
وقَّف غيابك [ سنيني ] !
نبض قلبي ..
ليه ساكت ؟

والدموع اللي تباكت ؟
كل هذا صار فيني !!

يعني معقوله تغيب
وما تراجع بـ القرار ؟

منظر غيابك كئيب !
واقف بـ " سكة قطار " !

في قفص صدري ربيت
كيف أحس الطير طار ؟

لا نهاري هو نهار ..
وفيك أسهى ما دريت !

ومن يكلمني يقول :
يا بخت من به سهيت

إنت ما حسيت يمكن
والغياب أكبر دليل ,

دايم يردد لسانك :
" لذَّة الشي القليل "

راضي قلبي في قليلك !
المهم ألمح وجودك

تحترق أعصاب قلبي ..
وإنت غايب !
يا برودك !!!




تدري وش بعثر غيابك ؟
قلب من تغليك عينه !

من بعد ما كان يشوفك
رغبته ومعنى سنينه

ليه يا عيني بكيتي ؟
قالت عيوني : حزينه !

قلت يرجع إن هديتي
قالت إبتنهيد : وينه ؟!

هذا " قلبك " بين إيدينك ..
وما أبيك ترده لي !

من كثر ما قلت : وينك ؟
صرت أسألني علي !

ضعت في زينك وشينك
مات قلبي وإنت حي !

ما تهم صارت سنينك
وما يهمني كل شي !

كل هذا وإنت باقي ..
مستغل نقطة فراقي !
ما لقيت بوقت همي " شخص " ..
وبـ الفرحه ألاقي !




تدري وش معنى غيابك ؟
يعني " الموت " المحقق !
عمرك إنتَ شفت [ دفتر ] ..
من غلا شخص يتشقق !

يعلَم الله .. وش [ ظروفي ] ..
يا بعد عيني .. وشوفي ..
مدري وش فيها حروفي !
ما تبي تكتب ( أحبك ).. !
ليتك .. الليله " معايه " ..!

ليمتى وهذي السوالف ؟
كل ما جيتك .. تخالف !
قول إذا عـ البُعد حالف
وما تبي ترجع لي ثاني !

قول ..
علمني ..
عشاني
لا تعلِّقني .. بـ دربك
بين قلبي .. وبين قلبك !
ما أبي أكثر .. أعاني ..
عـ الأقل , عطني [ نهايه ] ..!

من أماني لي أماني
في دقايق في ثواني ..
أحترق وأقول :
وينك ..؟
إيه وينك ..؟
وين عينك !
يمكن بلحظه أشوفك ..
ويمكن إنِّي ما أشوفك !
وبين كل يمكن ....
أموت !
وأرجع أرجع للسكوت
يعني أرجع للـ " بدايه " ..!





تدري وش يقهر غيابك ..؟
[ قلب ] في الغيبه سهر !
كل خلق الله إذكروني
وإنت ..
ما عندك خبر !

يعني ما هزِّك قصيدي ؟
كل ما تقرا ( جديدي ) !
ودِّي أسمع رَد / مُقنع :
وينك بـ عيد الفطر ؟

كيف من غيرك أعايد ؟
يـ اللي " متهنّي " بـ عيدك ..
عطني الحل المُحايد
فيدني ...
الله يفيدك !

لا حياتي /
هي حياتي ..
و الصبر ؟
وين الصبر !
راح مثلك يا غلاتي
وما بقى فيني [ عمر ] ...!

عيد ..
وإنت بعيد عنِّي ؟
بذمتك هذا إسمه ( عيد ) !
كل من جاني يهنِّي
قلت :
دونك مو سعيد ..!

بس ....
تذكَّرني بـ غيابك ..
والفَرَح يملي ثيابك :
عيدك مبارك حبيبي
وعيدي من غيرك ..
قهر !





تدري وش غيَّر غيابك ؟
غيَّر " غيابك " نصيبي !
غلطتك سدِّييييت ( بابك ) !!
و غلطتي ويَّاك : طيبي !

زين ما فكَّرت ....
فيني ؟
قبل لا تترك سنيني ؟
وش أسوِّي في " إيديني " ؟
ما تبي غيرك حبيبي !

من يشاركني حياتي ؟!
و " نصّي الثاني " ....
خذيته !!!
وش بقالي من غلاتي ؟!
وقلبي من شفتك ....
نسيته !!

من يحب إنسان ناقص ؟
ما معاه إلا " الجروح "
إنت في الغيبات راقص !!
وآنا [ موتي ] من تروح !

ما رضى قلبي جروحك
ليه ترضى لي جروحي !
إنت " أحزاني " طموحك !
وآنا أفراحك [ طموحي ] !!

</I>
الرجوع الى أعلى الصفحة اذهب الى الأسفل
fatmah
النــــــائـــب العــَـأمـِ
النــــــائـــب العــَـأمـِ
avatar

عدد المساهمات : 128
النقاط : 3709
تاريخ التسجيل : 14/04/2009
العمر : 32
الموقع : designs1.yoo7.com

مُساهمةموضوع: رد: خل يكون الحب عذري   الأحد أبريل 19, 2009 2:06 pm

كلمات عذوبي جميل  شكرا مستر شيخ  
الرجوع الى أعلى الصفحة اذهب الى الأسفل
اسير الاحلام
ــالمـدير ــالعامـ
ــالمـدير ــالعامـ
avatar

عدد المساهمات : 168
النقاط : 3739
تاريخ التسجيل : 15/04/2009

مُساهمةموضوع: رد: خل يكون الحب عذري   الإثنين أبريل 27, 2009 4:00 am

ماشاء الله شعر في قمه الروعه منتظرين جديدك ....
الرجوع الى أعلى الصفحة اذهب الى الأسفل
البرنس
أسطورة مميز
أسطورة مميز
avatar

عدد المساهمات : 158
النقاط : 4772
تاريخ التسجيل : 14/04/2009
العمر : 29
الموقع : www.designs1.yoo7.com

مُساهمةموضوع: رد: خل يكون الحب عذري   السبت مايو 02, 2009 11:19 pm

يسلمووو يالغلا وبعدين شاعركم مرة واحده ياليل التحطيم
الرجوع الى أعلى الصفحة اذهب الى الأسفل
 
خل يكون الحب عذري
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع أسطورة  :: أسطورة القوافي :: مجمع القوافي-
انتقل الى: